بسم الله الرحمن الرحيم
السلام عليكم ورحمة الله وبركاته
هذا موضوع راق لي فاحببت ان انقله بين ايديكم والموضوع من جريده الرياض عام1424للكاتب عبدالله الجعيثن وفيها يقول :
بسم الله ابدا:
في احدى صالات العروس الكبرى وصلوا المعازيم وبدوا الحريم والبنات يكثرون كل وحده كاشخه ومتصلحه الشعور شي والتسريحات والمكياج والفساتين]حمر[ واخضر واصفروماخلق الله
الحريم يسلمون على بعض والبنات انواع النصب كل وحده تسلم على الثانيه تقولها مره وحشتيني من زمان ماشفتك<<هين لوتبينها كان دورتيها
عاد ترد الثانيه تقول مره تغيرتي احلويتي <<ياعمري طول العرس وهي ترزز عند الحريم صدقت
وفي نص الصاله وقفت ذيك السمرا الطويله حتى هي مسويه تسريحه ومكياج (مفيش حد احسن من حد)والحريم يمين وشمال وفي وسط الصاه فرش احمر طويل بطول الصاله وبدوا البنات يحترون المطربه تتغني <<تبطون يالبنات
بدت الموسيقى وطقوا الطقاقات والمطربه مسكت المكرفون وبدت تغني:
سبحانه وقدروا عليك
وخلوك تنسى احبابك
لابتسال علينا خلاص
قفلت بوجهنا بابك
ولا عاد زله او طله
يحق الكم لنا الله
ولاعاد زله او طله
يحق الكم لنا الله
وسبحانه وقدروا عليك
* * *
ياعيني حظنا تعبان
ذا مهما نسوي مابيبان
لو تحلف كثير ايمان
ماراح اصدق الحلفان
نسيتنا واحنا في جده
ونسيت ايامنا الحلوه
ولاعاد زله اوطله
يحق الكم لنا الله
* * *
وسبحانه وصرتوا كبار
وصار ينقلكم اشعار
ذا بكره تنجلي الاسرار
صبرك!!ذا الفلك دوار
نسيتنا واحنا في جده
ونسيت ايامنا الحلوه
ياعيني حظنا تعبان
ذا مهما نسوي مابيبان
لو تحلف كثير ايمان
ماراح اصدق الحلفان
نسيتنا واحنا في جده
ونسيت ايامنا الحلوه
ولاعاد زله اوطله
يحق الكم لنا الله
كل وحده قامت ترقص يمين ويسار وفوق وتحت......حست راعيه العرس(ام العروس) بافرحه وان عرس بنتها البكر يهبل واهم شي في هذا انها تبي تقهر مرت ابوهم(ضرتها)اللي طبعا اصغر منها ,مناديها ابوهم <<حسبي الله على هالرجاجيل تلقاه في صاله الرجال كاشخ بالبشت جعلها ماتكثر
طبعا الام فرحانه بهالعرس الكشخه الحاضرين مبسوطين البنات قاعدين يرقصون واللي قاعدين على الطاولاتيصفقون ويضحكون ويتقهون ويسولفون<< انواع الحش
راحت الام لغرفه العروس ولقت الكوافيرات على راس بنتها يصلحون فيها وهم على اخر شي باقي شوي وتطلع للزفه قالت الام لبنتها:وش ذا العرس ياحبيبتي!! ولا عرس ديانا......
طلعت الام من عندها وراحت للصاله وهي حاسه انها شي شوي وتتعكرف في ذيل فستانها<<طبعا لها شهرين وهي تمتر المشغل مغير مهاوش هي والفلبينه واخرتها ماطلع الا يوم العرس العصر
ونافشتن ريشها ونافختن روحها ولكن ما امدها توصل للصاله الاوهي تشوف مرت ابوهم تكلم المطربه في اذنهاوتعطيها فلوس مادريت الا والمطربه بدت تغني:
ادلع ياكايدهم
ادلع ياكايدهم
خليهم يشوفونك
خليهم يشوفونك
انفقعت مرارتها وبغت تموت من القهر قاعده تشوف مرت ابوهم شابه وترقص في المنصه والناس يناظرونها والمطربه تعيد:ادلع ياكايدهم
ادلع ياكايدهم
خليهم يشوفونك
علمهم اصول الحسن
عطهم درس بعيونك
خليهم يشوفونك
خليهم يشوفونك
وادل.......ل........ع
ومرت ابوهم تترقص وتتدلع وتعلمهم اصول الحسن وشلون, بغت الام تطق وغدا وجهها احمر شوي ويغمى عليها من القهر والمطربه تغني والضره ترفع اصابعها وترقص
ادلع......
وادلع ياكايدهم
خليهم يشوفونك
غير حسنك المجنون
اطلع كل لحظه بشي
حرام انت تفاجئهم
عذبهم شوي .......اشوي
وادل......ل.........ع
حمي الوطيس والضره ترقص على حبه ونص وترفع يدينها مع صوت المطربه..عذبهم شوي..... شوي
الام بغت تنهبل......شوي.......شوي, العرس عرس بنتها ونجمه الحفل ضرتها !!وش ذا الليله النحسه
خلصت المطربه من الاغنيه وقاموا الناس يصفقون للضره, الضره جاز لها الوضع وراحت مره ثانيه للمطربه وكبت عليها ذيك الفلوس من امهات خمس ميه وقالت لها عيدي<<نجسه
وعادت المطربه الاغنيه:وادلع ياكايدهم
خليهم يشوفونك
علمهم اصول الحسن
عطهم درس بعيونك
علمهم بنظراتك
وشلون الجمال يكون
اضحك يالله وريهم
احلى ضحكه واحلى عيون
والضره تضحك وتميل براسها وشعرها الطويل فرحانه, والام الله يرحم حالها شوي وترتكب جريمه كل الدلائل توحي بذلك.......طلعت عروقها ومعد تدري وش تسوي .........شوي جت لمها وحده آيه في الجمال والاناقه والرشاقه... وقربت عندها وقالت لها:عمتي !!تبين اكسحها!!
قالت ام العروس تكفين!!تكفين يانوره!!تكفين يابنت اخوي!! الصديق وقت الضيق ابتسمت بنت اخوها وقالت:
ولا يهمك انا اكسحها هالحين,,,,,والمطربه تغني :ادلع ياكايدهم
علمهم اصول الحسن
عطهم درس بعيونك
خليهم يشوفونك
ونوره تسوي حركات احماء جنب عمتهاوتقول:اذا بدت المطربه الاغنيه من جديد اوريك!!قالت عمتها والاغنيه بدت تخلص اباروحلها وخليها تعيد.... قالت نوره:لا يعمتي خليها هي اللي تطلب من المطربه انها تعيد عشان اكسحها مضبوط,قالت عمتها ماعندي صبر ابروح واقول لها,قالت نوره:اصبري اذا ما عادت روحي
ومن سوء الحظ للضره انها من يوم بدت الاغنيه تخلص راحت للمطربه ونقطتها وقالت لها عيدي وقامت تستعد للرقص والكيد والتعذيب وتوا الموسيقى تبدا والضره بدت ترقص اللا ونوره ترقى المنصه وعمتها تناظرها وتصفق ومعها بناتها جنبهاوالمطربه تغني:وادلع ياكايدهم
خليهم يشوفونك
علمهم اصول الحسن
عطهم درس بعيونك
وادلع....
علمهم بنظراتك
وشلون الجمال يكون
اضحك يالله وريهم
احلى ضحكه واحلى عيون
علمهم اصول الحسن
عطهم درس بعيونك
خليهم يشوفونك
وادلع......
غير حسنك المجنون
اطلع كل لحظه بشي
حرام انت تفاجئهم
عذبهم شوي....شوي
وادلع ......
ونوره تترقص في المنصه ذاك الرقص والناس طايحه وجيهم على نوره يمين.....يسار .....خصر......هلا........عاشوا ونوره تتمايل والضره تناظرها وترقص معد عرفت.... والناس تصفق لنوره والمطربه بس تناظرها وكسحتها كسحه لا قبلها ولا بعدها الجسم موب زي الجسم ولا الجمال.... ولا الدلع...... ولا الدلال..... ولا الاناقه ولا الرشاقه..ولاحتى الرقص.....وش جاب لجاب..كل الحاضرين منبهرين بس يناظرون نوره وش جميله بقوووووووووووه,حتى المطربه تحسن صوتها,والعمه فرحانه تصفق من غير راي وتشجع اهم شي تبي تقهر ذا البثره اللي جايه في عرس بنتها ولا بعد ترقص وجه بن فهره
نرجع للعرس المهم الناس قامت تناظر نوره كنها حوريه وزلبوا بالضره محد قام يناظرها وقاموا اخوات العروس يترقصون مع بنت خالهم فرحانات انهم قهروا مرت ابوهم وحسوا انهم انتصروا لامهم والناس تصفق للحلوة نوره وهي تتمايل وترفع ايدينها وتقلب عيونها الحلوة والمطربه تغني:علمهم بنظراتك
وشلون الجمال يكون
اضحك يالله وريهم
احلى ضحكه واحلى عيون
علمهم اصول الحسن
عطهم درس بعيونك
خليهم يشوفونك
انشقت مراره الضره وانحسرت عنها الاضواء وصار رقصها قروي عند نوره .....تفشلت وقامت تسمع تعليقات حمر وجهها وتمنت لو الارض تنشق وتبلعها..معد تقدر تقطع رقصها وتجلس ولو سوت كذا بتحس انها انهزمت انهزام ذليل ولا هيب قادره تكمل وهي عند نوره صارت كنها فحمه.....واللي زاد الطين بله ان المطربه قطعت اغنيه ادلع فجأه وغنت بسرعه:نوره يانوره يانوره....
ياورده ناديه في بنوره
اسمك على رسمك صوره
للأمر ايه يااموره
نوره يانوره.... يانوره
وقبل ما ينتهي العرس اكثر من ثلاثين حرمه خطبوا نوره اما لاولادهم وللا لاخوانهم
اخيرا احب ان اضيف شيئا على كل الكلام الذي حدث وانا اعترف بهذا الشيء وهو حق وذكر في القران الكريم
( ان لكيدهن عظيم )
منقووووول للامانه
لكم خالص شكري وامتناني
عبله مضيعه عنتر
الأربعاء يوليو 16, 2008 6:09 pm
