طبعا اغلبكم يسهر للصبح بذات مع الاجازه يتخربط النوم
اختكم في الله اللي هي انا طول عمري سهرانه للاسف <<< تحكي قصة حياتها
والاكيد ان الواحد يجوع في الليل ولما يجوع يتجه الى المطبخ ويبدأ بالبحث والتنقيب وتبدأ الاختراعات
في هذا الموضوع اتمنى كل وحده تمرؤ من هووووووووون ترد وماترد الا بالرد اللي يبرد القلب يعني اختراع
شي خفيف يؤكل للكسالى وانا بكتبلكم كم شغله
تفيد جميع الساهرات
نبدأ بــ البطاطس المهروسه طبعا طريقتها اخذتها من زمان وهي
نسلق البطاطس ونقشرها ثم نهرسها مع ملح وفلفل وزبده واجيب زبديه صغيره وابطنها بالنايلون واعبيها واقلبها في الصحن واحط عليها ملعقة جبن سائل يميم وكل ماكثرتي الفلفل الاسود احلوت اكثر
او
تغسلي البطاطس تمام وتغلفيها بقصدير وحده وحده وتشويها في الفرن تاخذ ساعه يمكن ولما تخرجيها تكوني مقطعه بقدونس وباشره جبن تشيدر تخلطيها سوا ولا غنى عن حبيبنا الفلفل الاسود ثم تفتحين القصدير بشكل + بالسكين وتحطي الجبنه جوه وتهرسيها مزبوط مع البطاطس
الخبز المحمص
تجيبي الخبز الفرنسي وتقطعيه مايل تكوني قبلها مخرجه الزبده من الفريز وتذوب بدرجة حرارة الغرفه تشوي قرنين فلفل حار عادي عالبوتغاز لاتتعبي نفسك وتوسخي الشوايه لحدماتسير سودا تقريبا حطيها في كيس نايلون شويه بس بعدين قشريها بيدك مجرد انك مشيتي يدك عليها يروح كل اللون الاسود <<<بالتفصيل
اقطعيها بالنص افرديها وطلعي البذوور كللللها وقطعيها صغير صغير اهرسي ثومه وحطي الثوم والفلفل وشوية ملح مع الزبده وحركيها لما تسير كريمية القوام << ابو الوصف
ادهني كل شريحة خبز بالزبده وحمريها في الفرن
المكرونه
اسلقي مكرونه مع ماجي وزبده وملح وسوي بشاميل << كنور وضيفي مع البشاميل جبنه سايل ومكعب ماجي وفلفل اسود و حطيه عالمكرونه
التوست
نغمس التوست في البيض ونحطه على نار هاديه لما يستوي
ممكن نحط مرتديلا وشريحة خس وندهن التوست بالمايونيز مع شريحة جبن
وبالعافيه
واللي عندها وصفات لاخر الليل ياريت تفيدنا
<< عجبتني
الثلاثاء يوليو 01, 2008 5:32 pm
