الله يرجك يا وطني ؟؟؟ هههههه

اميرة الورد

هلاا وغلاا
جهلها دووم الضحكه
منوووووره
لاعدمنا هالطله

هههههههههه

كل هذا مسويه فيكم ذا الوطن الله يصبره عليكم بس

مشكوووره عبله

كيفكم يا أحلى أعضاء ؟

اليوم جبت لكم معي رسالة قرأتها بأحد المنتديات فحبيت أنقلها لكم
تتكلم عن معاناة المواطنين ومضحكة بنفس الوقت ..

المرسل إليه : وطني

الرساله :

..آهـ ياوطني ..
..عيدك مبارك ياوطني ..
.. كل عام وأنت بخير ياوطني ..
.. تصدق أني أحبك رغم اللي تسويه فيني ياوطني ..
..آه ياوطني يمكن إنك ماتصدق بس الله العالم إني أحبك ..
..صحيح إن عليك حركات بس ماعليه تمون ياوطني ..
..صحيح إنك قهرتني أكثر من مره لكن أبمشيها لك ..

.. تذكر ياوطني يوم تتبرع للدوله الفلانيه وحنا يالله لاقين شي ناكله ياوطني ..
..وغيرنا مليون بعد مايلقون شي ياكلونه ..
.. أكيد تذكر تصدق إني ساعتها جتني ضيقة صدر ..
.. ماتوقعتك تسويها ..
.. طيب ليه ..
.. مايقولون الأقربون أولى بالمعروف ..
..وإلا أنت جايك شي مني وتبي تقهرني ..

.. طيب ماتذكر يوم إني أتخرج من الجامعه وأقدم لك أبي وظيفه و تطنشني ..
.. وتعين اللي أقل مني عشانه من آل فلان وعنده واسطه ..
.. ليه ياوطني مو إحنا كلنا عيالك وإلا أنا ولد الشغاله ياوطني ..

.. أكيد بعد تذكر ياوطني يوم أبوي يطيح مريض ويقولون علاجه في أحد المستشفيات الكبار ..
.. وأجيك أبي فزعتك وتقول آسف ما أقدر عندنا زحمه ..
.. وبعد يومين أقرى في الجريده وأشوفك جايبن سوداني تعالجه على حسابك ..
.. وفي نفس المستشفى صدقني في ذاك اليوم ماجاني النوم من القهر آه ياوطني ..

..افا عليك بس ياوطني ..
.. لهالدرجه حنا رخيصين عندك ..
..لاتقولي ماتذكر ..
..أو أخاف إنك تقول إنك تمزح معي الله يرجك ياوطني مزحك ثقيل ..

.. إلا على فكره تصدق إني مادريت عيدك اللي قبل كم يوم إلا اليوم ..
.. ليه ياوطني ياخي على الأقل خل هالمناسبه مميزه مثلاً عطونا إجازات في هاليوم ..
.. ولا وزعوا حلاوه علينا أهم شي ندري إن اليوم يومنا الوطني وإلا مستحي منا..
.. طيب بهالمناسبه يابعد قلبي ياوطني شرايك نفتح صفحه جديده وننسى اللي فات ..
..هاه وش رايك ..
..بس على شرط حركاتك ومزحك الثقيل خلها عنك ..

.. وياليت بعد تسوي فينا خير وتدبر لنا وظايف قسم بالله ذبحتنا العطاله والتبطح في المقاهي ..
.. ترى حنا شبابك نعجبك بس عطنا فرصه ..

.. وياليت تكمل معروفك ياوطني وترحم أبناءك وشعبك وتخفض من أسعار البنزين والغاز ..
.. تكفى ياوطني والله ذبحتنا ويكون بعلمك ترى شعبك مو كلهم تجار وعيال نعمه ..
يمكن أنت ماشفتهم معذور ياوطني ولكن والله موجودين وبكثره لاتنساهم الله يرحم والديك ياوطني..

..وبعدين سالفة الواسطات والعنصريات هاذي ياليت تتركها بعد كلنا عيالك وكلنا عيال تسعه ..
.. ترى الواسطات والله ماوراها إلا الظلم والقهر للمساكين خلك عادل يابعد قلبي ..
.. أنا داري إنك بتقول صعبه وإن المخرج عاوز كده ..
.. صدقني داري ياوطني بس ياليت تحاول تفكنا منها على قد ماتقدر والله يعينك..

.. وحط في بالك ياوطني إنا أبناءك واللي يمسك يمسنا وحنا نفديك بأرواحنا وأموالنا وكل مانملك ..
.. تامر شي ياوطني أنا انتهيت من رسالتي ..
.. وابيك تعرف إني أحبك وأموووووووت فيك ياوطني ..

المرسل : ابنك

ههههههههههههههههههههههههههههههه

أتمنى أن تنال اعجابكم